Wabunge wa EALA wasema wapo katika mchakato wa Afrika Mashariki kutumia Sarafu moja ....

WABUNGE wa bunge la jumuiya ya Afrika mashariki (EALA) wamesema wapo katika mchakato wa kuhakikisha wapata shilingi moja ya afrika mashariki ambayo itasaidia wananchi wa jumuiya hiyo kufanya biashara katika mazingira rafiki kwenye soko la pamoja.

Hayo yamebainishwa leo na wabunge wa bunge hilo wakati wakizungumza na waandishi wa habari mjini hapa juu ya ziara yao katika nchi zilizo katika ukanda wa kati ndani ya Jumuiya ya afrika mashariki yenye nchi wanachama sita.

Nchi hizo wananchama ni Tanzania, Kenya,Uganda,Burundi,Rwanda na sudani kusini.

Mbunge wa Bunge hilo Kutoka Tanzania Maryam Ussi Yahya, amesema kuwa katika kuhakikisha wanachi wa nchi hizo wanachama wa Jumuiya ya afrika mashariki (EALA) wananufaika na fursa zilizopo kibiashara katika maeneo mbalimbali ipo haja ya kuwa na sarafu ya pamoja itakayorahisisha biashara.

Amesema kuwa hivi sasa kumewepo na changamoto ya sarafu kila nchi mwanachama kuwa na sarafu yake hali ambayo inachangia kwa kiasi kikubwa kuwa kero kwa wananchi wanaotaka kufanya biashara katika soko la pamoja.

Amesema sarafu hiyo ambayo wanataka kuitengeneza sio jambo geni katika Jumuiya hiyo kwani tayari ilishakuwepo katika miaka mingi ya nyuma ambayo ilikuwa ikitumika na nchi zote wanachama wakati huo.

Naye mbunge wa Bunge hilo kutoka Kenya Abdikadir Aden, amesema pia kazi ya jumuiya hiyo ni kuhakikisha kuwa nchi wanachama zinakuwa na hali za utulivi kiasiasa ili kuwawezesha wanachi wake kufurahia fursa zilizopo.

Katika ziara hiyo ambayo wabunge hao wanaifanya nchini walianzia katika Taasisi ya kiswahi Zanzibar, Bandari ya Dar es saalam pamoja na kujionea shughuli mbalimbali za kiutendaji katika mizani ya kupimia mizigo kwenye magari ya Vigwaza.

Ziara hiyo ya wabunge hao inalengo la kukagua na kuona changamoto zilizopo katika miundombinu namna ambavyo inaweza kufanyiwa kazi ambapo pia watatembelea katika nchi za Burundi na Rwanda.

Share on Google Plus

About NYEMO FM RADIO