EWURA yatangaza bei kikomo za mafuta petroli na dizeli zikiongezeka

Mamlaka ya udhibiti wa Huduma za Nishati na Maji (EWURA),imetangaza bei kikomo za mafuta kwa mwezi huu huku petroli na dizeli zikiongezeka .

Kwa mujibu wa taarifa iliyotolewa na Kaimu Mkurugenzi Mkuu wa EWURA, Nzinyangwa Mchany amesema bei hizo zitaanza kutumika leo ambapo amesema bei za jumla na rejareja za mafuta yote yaliyoingizwa nchini kupitia bandari ya Dar es Salaam zimeongezeka ukilinganisha toleo lililopita.

Mchany amesema kuwa mwezi huu bei za reja reja za petroli zimeongozeka kwa shilingi moja kwa lita ikiwa ni sawa na asilimia 0.06 na dizeli kwa shilingi 69 kwa lita sawa na asilimia 3.37 na mafuta ya taa shilingi nne kwa lita sawa na asilimia 0.20.

Amesema kwa kiasi kikubwa ongezeko la bei za mafuta ya petroli, dizeli na mafuta ya taa kwenye soko la ndani limetokana na mabadiliko ya bei za mafuta katika soko la Dunia na kuongezeka kwa gharama za usafirishaji pamoja na kushuka kwa thamani ya shilingi dhidi ya dola ya marekani

Share on Google Plus

About NYEMO FM RADIO