Jafo - Maafisa elimu nchini wabainisheni walimu wanye vitendo viovu

Na Nazael Mkiramweni 

Maafisa elimu nchini wametakiwa kuwabainisha waalimu wanaofanya vitendo viovu dhidi ya wanafunzi ili wachukuliwe  hatua za kisheria.

Akizungumza leo hapa mjini dodoma wakati akifungua kikao cha kazi cha maafisa elimu wa mikoa na wilaya na makao makuu ya wizara, WAZIRI wa nchi,ofisi ya rais,tawala za mikoa na serikali za mitaa (TAMISEMI) Seleman Jaffo  amesema kuwa lengo la kikao hicho ni kujadili mipango,malengo na mikakati ya uboreshaji elimu nchini.

Amesema walimu wana jukumu kubwa la kusimamia nidhamu dhidi ya wanafunzi lakini kuna baadhi yao wamekuwa wakikiuka maadili yao kwa kujiingiza katika mahusiano ya kimapenzi na wanafunzi jambo ambalo linakiuka maadili.

Kupitia kikao hicho  Waziri Jaffo amemuagiza naibu katibu mkuu wa tamisemi kuchunguza na kufanya maboresho ili  mkoa wa Dodoma  ambao ni makao makuu ya nchi uweze kufanya vizuri katika sekta ya elimu.

Kwa upande wake Katibu mkuu wa wizara ya tamisemi Mhandisi Mussa Iyombe  amewataka maafisa elimu  kujitathimini iwapo wanaiweza kazi hiyo .

Kufuatia maagizo hayo mwenyekiti wa maafisa elimu wa mikoa na wilaya Mayasa Hashimu amesema kuwa watatekeleza maelekezo na maagizo  na kwamba kupitia kikao hicho wataweka maazimio ya kiutendaji.

Share on Google Plus

About NYEMO FM RADIO