Jaffo akataa kuzindua mradi wa maji itiso wilayani chamwino mkoani Dodoma.

Waziri wa nchi tawala za mikoa na serikali za mitaa, Tamisemi, Seleman Jaffo amekataa kuzindua mradi wa maji uliopo kijiji cha itiso kata ya itiso wilayani chamwino mkoani Dodoma.

Waziri Jaffo amekataa kuzindua mradi huo baada ya baadhi ya wananchi wa kijiji hicho kuonyesha mabango ya kukataa kuzinduliwa kwa mradi huo kwa kile walichodai kutoridhishwa na fedha zilizotumika.

Mhe.Jafo amefikia uamuzi huo hii leo asubuhi wakati alipofika katika kijiji cha Itiso kwa lengo la kufungua mradi wa maji uliojengwa kwa fedha za serikali lengo ikiwa ni kutatua Changamoto  ya maji kwa wananchi wa kijiji hicho.

Katika hali ya kushangaza wananchi waliokuwa na mabango walikataa kuzinduliwa kwa mradi huo kwa kile walichodai mradi kutoendana na fedha zilizotumika.

Pamoja na kusikitishwa na kitendo kilichofanywa na wananchi hao,waziri Jafo amewashukru wataalamu waliojenga mradi huo kwa juhudi kubwa walizofanya katika kutekeleza ujenzi wa huo.

Share on Google Plus

About NYEMO FM RADIO