MKUU wa Wilaya ya Kongwa, Deogratius Ndejembi, ameagiza waratibu elimu kata wawili wa kata za Njoge na Lenjulu wilayani humo, kushushwa vyeo kwa madai ya ulevi na kutowajibika kazini.
Ndejembi alitoa agizo hilo wakati alipozungumza na waratibu elimu kata, wilayani hapo katika kikao cha kujiandaa kupokeo wanafunzi wa kidato cha kwanza na darasa la kwanza mwaka 2018.
“Watu hawa hawatambui umuhimu wa kazi zao, hivyo naagiza ofisa elimu msingi na sekondari kuwachukulia hatua au muwatafutie kazi nyingine za kufanya na nafasi zao zichukuliwe na watu wengine, ili kuziba nafasi zao haraka," alisema Ndejembi.
Aliwataja waratibu elimu hao wanaotakiwa kuondolewa katika nafasi zao kuwa ni Emmanuel Chiluluse wa kata ya Lenjulu na Venance Mwangasa wa kata ya Njoge.
0 comments:
Post a Comment