Mkuu wa Wilaya ya Mpwapwa amsimamisha kazi Mweka Hazina kwa ubadhirifu wa fedha

Mkuu wa wilaya ya mpwapwa jabir shekimweri amemsimamisha kazi mweka hazina wa halmashauri hiyo na watendaji wanne kupisha uchunguzi kutokana na ubadhirifu wa fedha za mapato ya ndani ya halmashauri hiyo.

Hatua hiyo imechukuliwa na Mkuu wa wilaya hiyo wakati akipokea ripoti ya tume aliyoiunda kutokana na ubadhirifu wa fedha za mapato ya halmashauri zaidi ya shilingi milioni 500.

Awali akisoma ripoti ya tume ya ya uchunguzi wa sakata hilo mwenyekiti wa tume hiyo edwin kitullo alibainisha tume ilivyofanya kazi yake kufuatia hadidu kumi za rejea na kutoa mapendekezo ya tume.

Mwenyekiti wa halmashauri hiyo donald ngwenzi ambaye ni diwani wa kata ya masa akawashukia madiwani kutosimamia ukusanyaji wa mapato vizuri katika kata zao jambo ambalo limepelekea ubadhirifu.

Baada ya tume kusoma taarifa na kumkabidhi mkuu wa wilaya ya mpwapwa  alichukua maamuzi ya kumsimamisha kazi mweka hazina wa halmashauri hiyo Michael Amanzi na watendaji 4 wa kata na kuwatupa ndani kwa saa 48,kwa amri ya mkuu wa wilaya hadi hapo uchunguzi utakapokamilika.

Share on Google Plus

About NYEMO FM RADIO