Wadau wa Afya Dodoma watengeneza Mpango wa pamoja wa Afya Kinga

Ili kukabiliana na changamoto za kiafya na mazingira Wadau wa Afya mkoani hapa wametengeneza Mpango wa pamoja wa Afya Kinga ambao utatekelezwa kwenye halmashauri za mkoa ukilenga kuzihusisha idara mbalimbali za serikali 

Hatua hiyo imekuja kutokana uwepo wa changamoto za kiafya,hali ya mazingira na usafi ikiwemo miundombinu ya vyoo,maji na mabafu kwenye shule na kaya.

Mshauri Kiongozi wa mradi wa  Tuimarishe Afya (HPSS) ALLY KEBBY akizungumza na waandishi wa habari mara baada ya kuhitimishwa kwa mkutano wa siku mbili wa kimkoa wa uratibu wa shughuli za afya kinga uliofanyika mjini Dodoma  amesema mpango huo umeletwa kutokana na malengo waliyojiwekea ya kusaidia kuimarisha afya jamii.

Mwakilishi kutoka Wizara ya Afya, Kitengo cha Elimu ya Afya shuleni AVIT MARO amesema katika kuboresha afya kinga serikali imeweka miongozo na sera inayotekelezwa kwenye ngazi mbalimbali..

Nae THERESIA KIWITE kutoka wizara ya elimu sayansi na teknolojia amesema pamoja na wizara ya Afya kuandaa miongozo na kuisimamia wamekuwa wakishirikiana katika kuitekeleza.

Mkutano huo umeratibiwa na Ofisi ya Mganga Mkuu wa mkoa wa Dodoma kwa kushirikiana na Mradi wa HPSS-Tuimarishe Afya unaofadhiliwa na Shirika la Maendeleo la Uswisi(SDC) na kuwakutanisha wawakilishi wa Wizara ya Afya, Maendeleo ya jamii, Jinsia, Wazee na Watoto, Wizara ya Elimu, Sayansi na Teknolojia na  Ofisi ya Rais, Tawala za Mikoa na Serikali za Mitaa (TAMISEMI).

Wengine ni Ofisi ya Mkuu wa Mkoa wa Dodoma, Wakuu wa idara za Elimu, Waganga Wakuu wa Wilaya, Wakuu wa Idara za Utumishi na Wakuu wa Idara za Maendeleo ya jamii kutoka Halmashauri za mkoa wa Dodoma.

Share on Google Plus

About NYEMO FM RADIO