Ushirikishwaji wa Watumishi kada mbalimbali wasaidia kuondoa changamoto ya uhaba wa wataalam wa Afya

Ushirikishwaji wa watumishi wa kada mbalimbali kwenye masuala ya Afya Kinga umeelezwa kusaidia kuondokana na changamoto ya uhaba wa wataalam wa masuala hayo.

Mwakilishi kutoka Idara ya Lishe na ustawi wa Jamii Ofisi ya Rais Tawala za Mikoa na Serikali za Mitaa(TAMISEMI)GERALD KIDOGO ameeleza hayo katika mkutano wa kimkoa  wa siku mbili kwa ajili ya Uratibu wa Afya Kinga mkoani Dodoma.

Kidogo amesema pamoja na serikali kuweka sera na miongozo ambayo inatekelezwa na Ofisi hiyo changamoto iliyopo ni ya watumishi wa kada hiyo.

Kwa upande wake  Mkuu wa Idara ya Utumishi na Utawala Halmashauri ya wilaya ya Kondoa KILAJA ARKANUS amesema kwa muundo wa halmashauri kuna idara 13 katika kutafuta ufanisi kwenye shughuli za usafi au afya kinga ambapo idara zimehusishwa.

Mkutano huo umeratibiwa na Ofisi ya Mganga Mkuu wa mkoa wa Dodoma kwa kushirikiana na Mradi wa HPSS wa Tuimarishe Afya unaofadhiliwa na Shirika la Maendeleo la Uswisi(SDC).

Share on Google Plus

About NYEMO FM RADIO